UFO-arbeid!

Ein stor UFO har innteke stovegolvet mitt. Det er mange år sidan eg starta på dette som skal bli eit teppe. Det starta berre med nokre lappar som skulle bli eit teppe av ein eller annan størrelse, men dette var lappar som tok tid til tross for enkelt design. Ideen er henta frå eit Quiltemagasin, truleg for 4-5 år sidan.

Blokkene vrangsyr eg med bomullsvatt inni, og inni kvar rute er det handquilta ulike mønster. Det vil nok gå både dagar og veker før denne ufoen vert ferdig, for etter at eg har quilta ferdig, så skal eg sy dei saman for hand. Men då er også teppet ferdig, for alle lappane har ferdig bakside.

Veskesying!

Det er lenge sidan siste innlegg no, men Oline syr litt likevel. I januar sydde eg denne veska til mor mi. Ei veske som kan vere både handleveske og fin nok til å være "gå-bort-veske".

Ei Coop-reklame kan nyttast til mangt,......... mønsteret har eg laga etter inspirasjon frå bloggen til Lise.

Det kraftige veskestoffet har eg kjøpt på Ikea i Gøteborg.

Jule-peparkakeform-poser!

I dag har eg sydd årets første julegåver, posar til peparkakeformer. Eg sydde slik pose til meg sjølv i fjor, og tykte dette var mykje koselegare oppbevaring enn i ein sliten plastpose. Posen som eg sydde i fjor var større enn desse, for det har samla seg ganske mange former etter nokre år som julekakebakar! Difor tenkte eg at no skulle eg følge heilt oppskrifta på poser som Timotei har lagt ut på bloggen sin. Eg fann fort ut at desse posane vart for små til mitt formål, så eg auka klippemålet til 27 x 35 cm. Men elles så følgde eg for det meste oppskrifta til Timotei, så mange takk til henne og alle andre som deler sine mønster og erfaringar med oss andre.

Før eg sydde saman posen, monterte eg på eit stitcherymotiv. Motivet har eg sydd med attersting og mønsteret er frå peparkakeformer. Det ferdige motivet strauk eg inn kantane på, festa det med nåler og sydde det fast med kvit rettsaum. Brukte 1/4 inch-labben til dette.

I neste runde skifta eg til raud overtråd, fann fine sting på symaskina og sydde ei fin rad med sting oppå den kvite saumen. Litt tungvint kanskje, men det er lettare å sprette opp att ein rettsaum om det skulle bli skeivt ved første montering. Eg brukte same 1/4 inch labb til dette, då sikra eg at saumen vart oppå den andre.

Tre posar vart det i dag, kanskje vert alle julegåver?

Buggy Barn

No har Oline vore på eit kjekt og effektivt kurs. Eit 4-timers Buggy Barn-kurs der eg fekk sydd ferdig 9 blokker på ca 3,5 t. Har ikkje prøvd denne teknikken før, men den liknar på det vi kallar "stack and slash". Kva det skal bli av lappane mine, veit eg ikkje enno, men håpar at dei ikkje blir ein ny ufo!
Teknikken var ganske enkel, iallefall når nokon hadde prøvd den ut og gav sine gode råd og erfaringar til oss. Mønsteret vart tegna på frysepapir , to stk, vi strauk på eitt på kvar bunke med fargar, deretter vart stoffa delte først i A, B og C deler. Desse delte vi så opp i bitar etter strekane. Bunkane med stoff vart så stokka om. Først bytte vi om "heile stjerna" med den andre bunken, deretter vart så alle bitane stokka om. Til denne stjerna passa det best med 10 stoff av kvar farge.
Vi kunne bruke stoff i 30 cm bredde til dette (dei fleste av mønstrene til Buggy Barn krev større stoff) kvadrata vi starta med var 10 x 10 inch. Etter at alt var sydd saman igjen, kunne vi reinskjære til ei blokk på ca 7,5 x 7,5 inch.Kursholdar var Elin T. Grov frå Gloppen Lappe- og quilteklubb. Bilda under her er hennar modellar.

Oline syr.....

Oline er visst på vei ut av sydvalen. Dei utallige ufoane mine som ligg og roper etter hjelp er det også blitt håp for. Iallefall en av dei,... den dobbeltsidige juleløperen som har vore på vent i 1,...2... eller kan det være 3 år??
Dei 2 øverste bilda viser for- og bakside av den eine blokka som vart ferdig på kurset. Denne helga har eg sydd ferdig dei 8 blokkdelane som mangla, desse skal setjast sammen til 2 blokker slik som den som er ferdig. Då er det mulig at Oline kan få eg en ny juleløper, rød til jul og lys beige og lekker til variasjon i denne høgtida.

Fargane på denne beige blokka er litt gule, det kjem av at eg ikkje brukar blitz i kveldslyset, men legg arbeidet under lysrørlys på kjøkkenbenken og tek bilde der.

Strikkemodus!

Er i strikkemodus for tida, minst 3 par pulsvaramarar er under arbeid, bilder kjem seinare.

Under litt nettsurfing i dag kom eg over eit teppe, Sock Yarn Blanket av Shelly Kang, som på norsk er kalla Sokketeppe. Laga av ulike restegarn frå ma. sokkar, kikk på Bollans blogg så ser du korleis det ser ut.

Ho har funne ideen på ein utanlandsk blogg, The Heathen Housewife, her finn du alt om mønsteret. Bilda er lånt frå den bloggen også.

Kjempefint teppe synest eg, og fint med bruk av både små og store lappar. Og så får vi brukt opp dei små trånøsta også!!

Bunadskjortepose

På siste møtet i quilteklubben fekk vi sjå ein kjempefin ide, Inger K hadde med seg ein pose ho hadde sydd til bunadskjorte. Designet var enkelt, men dekoren var heilt nydelig. Du finn bilder her.Inger hadde brukt brodering med silkeband, noko som eg ikkje kan, så difor har eg laga til min egen dekor, inspirert av Leanns blomstermotiv. Og då var det naturleg med lyse pastellfargar. Rosa blomster er komt på plass, no held eg på med det grøne til stilker, trur eg òg skal ha ein grøn tone i teksten Bunadskjorte og namnet på eigaren.

Kjekt å få bruke litt av dei mange fine fargane med moulinegarn som eg har samla meg. Og til eit så lite broderi er det fint å bruke av alle dei små lause trådane som vi heller ikkje har råd til å kaste. Dei blir som regel liggande i ei lita "ruske", men no kom nokre av dei altså til nytte.

Mormors toalettmappe

Forige helg fekk eg virkelig sydd i vei, og heilt utruleg,.......det vart ingen UFO av det eg begynte på!!! Som bildet viser var det Mormors toalettveske av Bente Malm eg sydde. Mønsteret var detaljert og omfattande, men resultatet vart flott. Vi var to som sydde denne modellen i lag, og det var lurt trur eg, for vi løyste dei små problema vi møtte etter kvart.

Vi var fleire som sydde og kosa oss i lag, sjå berre her kor mykje fint vi laga!! Til dekoren prøvde eg meg på å bruke forsvinningsplast. Eg brukte litt div. trådar, silkeband og ein bit av ei hekla bord under plasten og sydde på kryss og tvers på plasten, nok til at bitane mine under var på plass. Etterpå skylte eg det i rennande lunka vatn til all plast var borte! Litt Hokus Pokus dette! Men etterpå strauk eg det tørt og flatt før eg quilta det fast til bakgrunnsstoffet.

Modellen til desse to er henta frå ei bok, skal legge ut tittelen når eg finn boka.

Ufo-stafetten rusler videre...

.....om ikkje så superfort, så går det iallefall framover. Denne løparen har vore på vent lenge, så det var godt å få den under nåla no.

Den er ganske lang, har ikkje målt den enno, men den rekk over heile spisebordet mitt.

Fargane er kalde, så dette blir nok ein vinterløpar trur eg. Kanskje kan den bli blå juleløper???

"Blomsterløper"

Så vart også denne ufoen min ferdig,.....ein "Blomsterløper" frå eit kjekt kurs med Randi Røys. Her heng løperen på utstillingssnora vår på siste klubbmøtet vårt i april.

Applikerte brune roser og med påsydd dekortrå under.

Av og til tek det lang tid å få ferdig lukkekanten, men når det er sol og varmt i sørveggen, så er det fint å sitje ute med slikt arbeid. Dette bildet er frå siste påskedagen, då varma sola så godt at eg kunne sy litt ute igjen. Herlig når utesesongen for sying har starta att!!

På`n igjen...

Her går det så det susar, nokre turar på fjellet på dagtid, svingar i hop litt kaker og kveldsmeny på kjøkkenet, og så er eg i gang med neste prosjekt innimellom!
Denne løparen begynte eg på då eg gjekk på kurs med Randi Røys, men kom ikkje lenger på kurset, og i heimen var det andre ting å ta fatt på..... så då vart den liggande.
No har eg sydd på ein tjukk dekortrå, oppå den skal eg applikere nokre blomster. Men no er det blitt påskekrimtid og litt sofasitjing, så då blir det vel til at Oline dubbar av igjen....