Under nåla del 2!

Under nåla del 1 stod i eit innlegg frå 7. januar i år. Her kjem det ferdige resultatet for dei som lurer på kva det vart!

Trekk til ein boks med opptenningsbrikettar!! Vart gjeve bort i presang til mor mi som fyllte år 14.1.  Ho fekk noko til,.....kjem i neste innlegg!

 Blomstermotivet er frå eit Annaka-mønster, og det vesle motivet over er laga av restane som eg klipte ut midt i blomsten!

Vridd hals

No har Oline også fått strikka "Vridd hals". Har sett dette mønsteret strikka i mange ulike tråsortar og størrelsar.

Valet mitt fall på eit tjukt garn som eg hadde liggande, og eg hadde tenkt å strikke ein vid hals som eg kunne snurre rundt halsen to gongar. Men eg såg fort at garnet ikkje strakk til og at det var altfor tjukt, så då vart det ein enkel "rullehals".

Mønsteret til "Vridd hals" fann eg HER på Pickles, men har også kopiert det inn på innlegget her så det er raskt å finne!

En vridd hals høres kanksje ikke så behagelig ut å ha på seg, men denne er både god, myk og varm. Vi har strikket den luftig, så den funker både til inne- og utebruk. Du får den to ganger rundt halsen.

Hals i lilla, strikket med to tråder, øverst:Garn: 1 hesper Abuelita Tjukk Merino2 nøster Pickles Angora

Hals i knæsj lilla, strikket i enkel tråd, nederst: Garn: 1 hespe Abuelita Tjukk Merino

Pinner for begge: 10 mm rundpinne, 80 cm

Strikkefasthet

8 m = 10 cm

Legg opp 87 masker på rundpinne 10 med enten enkel tråd tjukk Abuelita eller en tråd tjukk Abuelita og en tråd angora. Strikk rundt og rundt. Gjenta disse 2 pinnen til garnet begynner å ta slutt, og fell av.
Pinne 1: Strikk rett
Pinne 2: *1 kast, strikk 2 masker sammen, strikk 1 rett* Gjenta fra * til * ut pinnen

Bruk gjerne maskemarkør for å se hvor runden slutter.

Eg har brukt to nøster Naturgarn kjøpt på Spar Kjøp. Eg la opp 63 m på liten rundpinne nr 7 og strikka til garnet tok slutt! Og halsen vart akkurat passe stor!

Ein gammal løpar!

Etter at juleduken vart pakka vekk, så måtte det noko nytt til på bordet. Det nye som kom fram var heller gammalt, ein løpar som eg ikkje huskar når eller kvar eg laga. Det vr truleg eit kurs, det er nok då ein lærer nye teknikkar.
Denne blokka heiter Shaded Four Patch, og eg har nyleg laga eit innlegg om denne teknikken på bloggen til NLQ.

Under nåla...

Julesyinga er over og no er det vårlege fargar under nåla. Kva det blir,.....kan ikkje skrive meir enno,...hemmelig! Men som de ser så er dette ein liten Annaka-blomstapplikasjon!

Julegåve

Oline er blitt mormor, og gåva til den lille vart eit krabbeteppe i klare fargar. Størrelsen er ca 1 x 1,2 m. Mange fargar å feste augene på i kontrast med det kvite. Det er slikt slike små likar i denne alderen, 9 veker er vesle Emma Leigh i dag.

På baksida har eg brukt fleece som er kjøpt på Stoff og Stil. Denne fleecen var fin og fast å bruke, heldt seg på plass under quiltinga.

Herlig hals!

 Eg har strikka ein herlig hals, og oppskrifta heiter også "Herlig hals". Den finst som gratismønster på Ravelry og er lett å strikke. Halsen har eg strikka i Kitten mohair på pinner nr 4. Det gjekk med akkurat 1 nøste til halsen. Eg strikka ca 30 cm glattstrikk før eg byrja på mønsteret. Anbefales!!

Ferdig "kosehjerte"

Då er kosehjertet til Emma Leigh ferdig og overlevert til den nye eigaren! Jenta kom heim i går og er no klar for familielivet!
Hjertet er laga slik at det kan være både til pynt og som leike, og det er mogleg at den tynne sløyfa seinare vert bytta ut med eit lite fløyelsband som er godt å ta på.
Fargen vart litt gul på bildet, men når ein er ferdig i seine kveldstimar, så er lyset på kjøkkenbenken det beste ein har då!

Emma Leigh

Oline er blitt mormor! For første gang, og då er det stas! Lille Emma Leigh fekk ein tøff start, det vart keisersnitt og er no på intensivavd til barneavd. i Ålesund pga infeksjon. Men alt går fint, og mormor var på besøk før helga og fekk stryke på det mjuke ansiktet.
Då passa det med eit lite stitchery med ei fløyelsmjuk kanin, dette har eg sydd no i dag tidleg då vi fekk ein time ekstra!! Det skal bli eit lite mjukt hjerte, ei hjerteleg helsing frå mormor i staden for noko som vert kjøpt i full fart.
Inspirasjonen dukka plutselig opp då eg besøkte bloggen til Klarafina. Tusen takk til henne!

Stjernestrikk!

Oline hoppar no nesten frå sommar til jul,.....litt lenge sidan forige innlegg ser eg. Ideen til dette strikket fann eg på ein blogg, og det viser seg at dette er eit gratismønster frå Drops.

Dette skal bli ein tova julegrytelapp og er strikka i Cortina kjøpt på SparKjøp. Eg brukar pinner nr 7 og eitt nøste rakk til ei stjerne. Skal strikke to stjerner før eg tovar i vaskemaskin, for dei må bli like store!

HER kjem du rett til mønsteret!

Primula-gåve!

Forige laurdag var eg innom butikken til Primula Design  , då overraska Ingun med denne gåva!! Flott innpakka både utanpå og inni! Og eit artig hjertestoff med både blonde , griseknapp og sommarfuglknapp og eit lite metallhjerte! Kva skal dette bli til??? Nokon som har forslag??

Årsaka til dette gåvedrysset på butikken var at Ingun ville markere at det er lurt å kikke innom bloggen hennar, for der er det fleire nyheter om stoff og utstyr. Ho legg ut etter kvart som nye varer kjem til butikken.

Orden i sysakene!

Oline jobber med å få orden i sysakene! Eit heilt batteri med merka boksar skal no hjelpe meg å sortere småbitar etter størrelse. Boksane er snopboksar som eg har fått frå ein butikk, og merkelappane er laga ut frå dei størrelsane eg trur eg kan få bruk for.
Dette flotte tipset fekk vi av Nancy Eriksen då ho heldt kurs hos oss i vinter. Ho brukar å samle bitar, striper og lukkekantar i merka boksar. I tillegg så kuttar ho opp små restar som ikkje er brukandes til noko. Ho kuttar dei i kvadrat, og utnyttar alle bitar, først store kvadrat, og så mindre og mindre, ...heilt ned i 1 inch sa ho.Vi hadde eit kurs med henne som heiter "Resteteppe", og det er akkurat dette det handlar om. For ho sa at når ho ser at det er begynt å bli nok lappar i boksen, ja då kan ho byrje på eit teppe!! Så heretter håpar eg å få fyllt opp i boksane mine litt etter litt!

Rose

Ikkje syveir akkurat i dag, men Oline førebur seg til neste klubbmøte. Denne sesongen har NLQ blomster som tema på klubbmøta, ulike teknikkar til å sy blomster har vore presentert. På neste møte vert det ma. presentert denne rosa. Ikkje så vanskeleg å sy, berre ein held orden på talrekkja!!

Eg har tenkt å sy 3 stk til, (det burde eg vel klare??) og eg kjem til å variere på rosa og med eitt og to blad. Her har eg sydd med eitt blad og litt stor rose. Planen er å setje desse saman til ein løpar, eller ender den som ufo??

Link til mønsteret finn du hos Yvonnes.dk, Eg har forstørra det ein god del.

Husbygging!

Eg byggjer meg hus, i går bygde eg 3 stk! Hus av restar, blå restar til kalde vinterhus med snø på taket.

Inspirasjon kjem frå prosjektet Building houses from scraps der ei utruleg ivrig sjel har tenkt å byggje 366 hus i år, eitt for kvar dag. Mange har blitt med på dette, og på bloggen viser nederlandske Janneke fram kva ho og andre har sydd. Ein kjekk møteplass for husbyggjarar!!Eg har ikkje som mål å lage hundrevis av hus, 3 er ein fin start, og med nokre til så kan dette bli ei lita bygd,........ ein miniquilt!

Teknikken er papirsaum, og den ferdige blokka er berre 3 inch!

Kontroll på kontrollen!

Ein kontrollholder vart produsert nyleg! Eit bestillingsoppdrag, men også ei gåve! Far min var 80 år i går, og då eg spurde han kva han ynskte seg , så hadde han alt. Men ein halv time etterpå ringde han til meg og sa kva han hadde bruk for; ein holdar til fjernstyringa til TV-en! Og han visste nok at eg kunne lage noko som han kunne bruke.På grunn av dårlege bein og rygg har han vore rullestolbrukar i 7 år og siste året har han budd på eit eldresenter. Då er det nok ikkje så mykje ein har bruk for i det daglege, og på rommet sitt har han det meste. Ja, trur jammen eg kunne flytta inn om eg fekk med meg symaskina mi, for han har TV med mange kanalar, bærbar pc , radio og mobil! Hadde vore som eit hotellopphold for meg å være der ein weekend!
Men for ein som sit i rullestol må visse ting være lett tilgjengelige. Så far min ynskte seg ein holdar som han bla. kunne henge på veggen nær senga, for då hadde han kontroll på kontrollen. Eg har laga ei hempe til å henge opp i, i tillegg fekk han med eit nøkkelband med karabinkrok på. Då kan han ha den rundt halsen når han sit i rullestolen, og slepp at kontrollen hamnar på golvet. Så dette vart eit produkt for full kontroll!!

Det grøne teppet 2

Dagen i dag har eg jobba flittig, og teppet veks og veks. Og dess større teppet vert, dess betre kjem striper og effekt fram. Blokkene har eg ikkje sydd saman enno, skal lage så mange at det kan brukast både til koseteppe og sengeteppe til ei enkelseng.

Har også funne ut at det vert finast med ein mørk grønn kant rundt.

Når eg skal sy sammen blokkene, så kjem eg til å bruke teknikken som Nancy lærte oss i dag. Den finn du HER på bloggen til NLQ Photo.