.....om ikkje så superfort, så går det iallefall framover. Denne løparen har vore på vent lenge, så det var godt å få den under nåla no.
Den er ganske lang, har ikkje målt den enno, men den rekk over heile spisebordet mitt.
Fargane er kalde, så dette blir nok ein vinterløpar trur eg. Kanskje kan den bli blå juleløper???
Så vart også denne ufoen min ferdig,.....ein "Blomsterløper" frå eit kjekt kurs med Randi Røys.
Her heng løperen på utstillingssnora vår på siste klubbmøtet vårt i april.
Applikerte brune roser og med påsydd dekortrå under.
Av og til tek det lang tid å få ferdig lukkekanten, men når det er sol og varmt i sørveggen, så er det fint å sitje ute med slikt arbeid. Dette bildet er frå siste påskedagen, då varma sola så godt at eg kunne sy litt ute igjen. Herlig når utesesongen for sying har starta att!!
Her går det så det susar, nokre turar på fjellet på dagtid, svingar i hop litt kaker og kveldsmeny på kjøkkenet, og så er eg i gang med neste prosjekt innimellom!
...og mens Oline er i siget, så hiver ho seg no på neste UFO som ligg og ventar. Du verden kor mykje eg kunne ha fått gjort om påskeferien var dobbelt så lang......
Eg MÅTTE berre legge ut endå eit bilde, for no er løparen min heilt ferdig og det er endelig vårstemning på bordet mitt. Så no er det neste prosjekt som står for tur! ...og kanskje ein påskekrim og litt attåt.......:).
.......for jammen ser det ut til at løparen min skal bli ferdig snart. Eg trudde eg skulle få sydd ferdig kanten i går kveld foran påskekrimmen og med eit lite glas med drivstoff,.... men det gjekk nok ikkje. Oline som ikkje er van å sitje i ro, seig etter kvart ned i sofaen og sovna før krimgåta var løyst. Typisk Oline! Men i skrivande øyeblikk er det kun 50 cm med kant å falde, og eg reknar ikkje med å sovne no.......
Og med nytt pågangsmot har Oline starta med April-blokka som quilteklubben vår deler ut kvar månad også! Eg driv klubben sin blogg, NLQ Photo, så i dag har eg lagt ut mønsteret til denne blokka.
