I går arrangerte quilteklubben vår
"Maratonlaurdag"! Eit kjekt arrangement der klubben leigde lokale og hadde ope hus for dei som ville bruke dagen til å sy i lag. Ope frå 8 til 8! Eg var ikkje av dei første som kom, men var av dei siste som gjekk etter å hatt meg ein handlepause midt på dag.
Bilda her viser at no er eg endelig ferdig med grytelappane frå
Ninas julesymysterium. Berre lukkekanten mangla då det vart desember, men så vart dei liggande på vent, for det er alltid noko anna som er viktigare i heimen...... sikkert ikkje ukjent fenomen det her!
Og eit julehjerte vart også gjort ferdig. Motivet til dette sticheryet såg eg i ein blogg, så eg tegna det av derifrå. Huskar ikkje kva for ein blogg, men om eigaren kjenner det att, så håper eg det er ok å bruke bildet her.
Denne løparen har eg også gjort ferdig no i januar. Den har vore ufo leeenge,...... men har vore i bruk med knappenåler som hurtigquilting! Ein enkel modell kun av kvadrat, men her er det komposisjonen av fargane som er det viktige.
Denne løparen har eg kanta ferdig no tidleg i januar. Den vart påbegynt på kurs med Ann Karin Myren i fjor haust, og til sist jul sydde eg 3 slike i presang til nær familie. Trur dei fall i god smak hos alle.
Eg har sydd ein del julegåver dette året også, men berre ein av denne løparen som eldste son min og svigerdatter fekk. Dette er ein vendbar løper, har ikkje bilde av den andre sida enno.
Eg gjekk på eit kurs i haust med Ann Karin Myren og lærte denne teknikken. Det er brukt vatt med lim på begge sider slik at eg kunne stryke eitt stoff på kvar side. Etterpå la eg alle delane oppå kvarandre, skar og bytta så om på bitane etterpå. "Stack and slash-metoden".